راپۆرتا ئاشتیچێکەرێن ژن ژ لایێ پەیمانگەها کرۆک بۆ ئاشتی، زانینگەها سان دیێگۆ 2023
هەڤ-نڤیسەر. د. نەسرین بەرواری
ئاشتیچێکەرێن ژن بێگومان تووشی مەترسی و نە-ئاسایشیێ دبن د کارێ خوە یێ رۆژانە دا. هەڤپشکێن نێڤدەولەتی رۆلەکێ گرنگ هەیە د پشتەڤانیکرنا ئاسایش و پاراستنا وان دا. تێگەهشتنا ل سەر رۆلێن ئاشتیچێکەرێن ژن و جورێن مەترسیان کو وان دگەل خوه هەنە ئێکەم هەنگاڤە بۆ دلنیابوون ژ بەرسڤدانەکا گونجای. فرەهیا رۆلێن کو ئاشتیچێکەرێن ژن دگێڕن، هەروەسا فاکتەرێن فرە کو کاریگەریێ ل سەر جورێن مەترسیان دکەن کو دێ تووشی وان ببن، پێدڤیە ل لایێ هەڤپشکێن نێڤدەولەتی بهێنە لەبەرچاوگرتن ژ دەستپێکا هەڤبەشیێ ڤە.
ئاڤاکرنا ئاسایشا تەمام: چارەسەرکرنا مەترسیێن ئاسایشێ یێن ئاشتیچێکەرێن ژن ب رێکا هەڤبەشیان (ناڤێ راپۆرتێ) ل سەر وێ چەندێ دئاخڤیت کو چاوان هەڤپشکێن نێڤدەولەتی کو حەز دکەن دگەل ئاشتیچێکەرێن ژن کار بکەن و پشتەڤانییا وان بکەن د چارەسەرکرنا مەترسی و نە-ئاسایشا وان دا، پێدڤیە دەرگەه و سروشتێ کارێ ئاڤاکرنا ئاشتیێ کو د گەلەک بواران دا هاتیە و پێکڤە دگرە دگەل بەرسڤدانا مرۆڤایەتی و کارێ پەرەپێدانێ، بزانن. تێگەهشتنا ل سەر تێکەل و بەریناهیا کارێ ئاشتیچێکەرێن ژن گرنگە بۆ دەستنیشانکرنا وان مەترسیێن کو دێ تووشی وان ببن و دابینکرنا پاراستنەکا یاسایی، سیاسی، و دارایی یا کاریگەر بۆ وان — و ژ بەر ڤێ چەندێ، گرنگە بۆ چێکرنا هەڤبەشیێن کو وان مەترسیان کێم دکەن و چارەسەر دکەن. ب رێکا کەیس ستەدیێ، راپۆرت ئالۆزی و دەلیڤەیان دەستنیشان دکەت کو راستەوخۆ ژ ژیانا راستەقینە یا ئاشتیچێکەرێن ژن و هەڤپشکێن وان، و هەروەسا ژ شارەزایێن کو د بوارێ ژن، ئاشتی و ئاسایشێ دا کار دکەن، هاتیە وەرگرتن.
ژ سالا 2002ێ ڤە، Kroc IPJ (پەیمانگەها کرۆک بۆ ئاشتی و دادپەروەری) بڕێڤەبرنا پرۆگرامێ هاڤالا ئاشتیچێکەرێن ژن کریە. ئەڤ هاڤالایەتییە دەلیڤەیەکا جودا ددەتە ئاشتیچێکەرێن ژن کو د ناڤ سوورەکێ فێربوون، پراکتیک، ڤەکۆلین و بەشداریێ دا کار بکەن کو هەڤبەشیێن ئاڤاکرنا ئاشتیێ بهێز دکەت. هاڤالا ئاشتیچێکەرێن ژن هەڤکارییەکا کاریگەر د ناڤبەرا ئاشتیچێکەرێن ژن یێن ژ کۆمەلگەهێن تووشی ئالۆزیان بووین و رێکخراوێن هەڤپشکێن نێڤدەولەتی دا ئاسانکاری دکەت. هەروەسا ئەڤ هاڤالایەتییە دگەلێك ڤەکۆلینێن کو ئارمانج ژێ شێوەدان ب بوارێ ئاڤاکرنا ئاشتیێ یە و دیارکرنا پراکتیکێن باش بۆ دیزاین و جێبەجێکرنا ئاڤاکرنا ئاشتیێ یە، پێکڤە چێدکەن.
