ئەڤ گۆتارە تەقەللا خوه‌ ل سەر ئاڤاکرنا سێکتەرەکێ خۆڕاگر دکەت کو ل سەر رێبازەکا ئێكگرتی ئاڤا کریە بۆ پەرەپێدانا سێکتەرێ ئاڤ و پاککەرکرنێ یێ تەمام یێ جڤاکی، ئابووری، و ژینگەهی یێ گونجای بۆ پارێزگەها دهۆکێ.

ئەڤ گۆتارە ئالۆزیێن دابینکرنا پێدڤییا لێزێدەبووی یا ئاڤێ، کاریگەریا کێمیا ئاڤێ، سیناریۆیێن گۆهڕین یێن جیۆپۆلەتیکی، سیاسەتا پاقژکرنێ یا دهۆکێ، و پێدڤییا ئامادەبوونێ بۆ پاشەرۆژەکا ب ئاساییش بۆ ئاڤێ بۆ هەموو وەلاتی و ئاکنجیێن پارێزگەها دهۆکێ دیار دکەت.

بۆ گەهشتن ب رێبازەکا ئێکگرتی بۆ بڕێڤەبرنا ژێدەرێن ئاڤێ و خزمەتگۆزاریێن بەردەوام یێن ئاڤ و پاقژکرنێ د رۆناهیا پێدڤیێن پاشەرۆژێ یێن سێکتەری دا، پێدڤیە ژێدەرێن مە یێن ئاڤێ بهێنە پاراستن د دەمێ کو دابینکرنا دابەشکرنا ئاڤێ یا دادپەروەر و ب کاریگەر بۆ دابینکرنا هەموو پێدڤیێن پەرەپێدانا جڤاکی و ئابۆری، دگەل خزمەتگۆزاریێن ب ئەمانەت یێن ئاڤا پیس و پاقژکرنێ بۆ ئاکنجیێن مە، دڵنیا دکەین.

زێدەتر، پێدڤیە چاڤدێری ل سەر چوارچۆڤێن دامەزراوەیی و قانوونی بهێتە کرن بۆ سڤککرنا بڕێڤەبرن و ئیدارا سێکتەری. بڕێڤەبرن و پاراستنا ئاڤێ بەرپرسیاریەکا هەڤبەشە د ناڤبەرا سێکتەرێن جودا یێن حوکمەتێ، شارەوانی، بازرگان، پیشەسازی، و کەسان دا.

پێدڤیە ئاکنجی ل سەر وێ چەندێ هایدار بن کا چەند ئاڤێ ب کار دئینن، پاراستنا ئاڤێ پڕاکتیزە بکەن، و رێزێ ل ژینگەهێ بگرن. بڕێڤەبرنا ئاڤ و پاقژکرنێ دکارە ڤەگرێ ب پەرەپێدانا تێگەهشتنەکا باشتر بۆ ژێدەرێن ئاڤێ و ب کارئینانا ڤێ زانیاریێ بۆ پشتەڤانیکرنا پەرەپێدانا ئابۆری یا بەردەوام؛ جێبەجێکرنا بڕێڤەبرنەکا باشتر یا د درێژاهیا دەمی دا کو ب رێکا کارێ هەڤبەشێ هەموو پشکاڤێن (Stakeholders) هاتیە پەرەپێدان؛ و هەلسەنگاندنا دەلیڤەیان بۆ بەلاڤکرنا زێدەتر یا زانیاریێ بۆ خەلکی.